सोलापूर : शिक्षक दिनानिमित्त स्पर्धा परीक्षांसाठी मार्गदर्शन करणाऱ्या 'ड्रीम आयएएस सेंटर'तर्फे दोन सप्टेंबर रोजी 'डॉ. कलाम टीचर इन्स्पायर अॅवॉर्ड २०१७' देण्यात येणार आहे. खासदार बसवराज पाटील यांच्या हस्ते हे पुरस्कार देण्यात येणार असून, डॉ. शिवरत्न शेटे कार्यक्रमाच्या अध्यक्षस्थानी असणार आहेत. महापौर शोभा बनशेट्टी प्रमुख पाहुण्या म्हणून उपस्थित राहणार आहेत. शिक्षण विस्तार अधिकारी अशोक भांजे, सिध्दराम चाकोते, अशोक टांकसाळे हे मान्यवरदेखील कार्यक्रमाला उपस्थित राहणार आहेत.
या कार्यक्रमात लक्ष्मीबाई भाऊराव पाटील महाविद्यालयाचे मराठी विभागप्रमुख प्रा. दिलीप कोने, सोलापूर विद्यापीठाचे संगणक विभाग प्रमुख प्रा. राजकुमार मेंथे, येळेगांव येथील शिक्षक पंडित साबा, बबलाद येथील शिक्षक शरणप्पा फुलारी, मंगरुळे प्रशालेतील शिक्षक धानय्या कवठगीमठ, केशव आबाजी इंग्लिश स्कूलमधील शिक्षिका संगीता सरदेशमुख यांना हा पुरस्कार प्रदान करण्यात येणार आहे. उस्मानाबाद येथील नंदकिशोर पिंपळे यांना विशेष पुरस्काराने गौरविण्यात येणार आहे.
कार्यक्रमाविषयी :
दिनांक : २ सप्टेंबर २०१७
वेळ : सकाळी ११ ते २
स्थळ : डॉ. निर्मलकुमार फडकुले हॉल, सोलापूर
